බ්‍රාහ්මණ ධම්මික සූත්‍රය - බමුණන් පිළිබද බුදු රජාණන් වහන්සේ හෙළි කල සත්‍ය

14 September, 2011

භාග්‍යවතුන් වහන්සේ වැඩ සිටියේ යාගහෝම වලදී ලක්ෂ ගණනින් ගවයන්, එළුවන් ආදී අහිංසක සතුන් මරා දමන යුගයක දී ය. ඒ අහංකාර ජනතාවට අහිංසා ධර්මය කිය දෙන්නට සිදු වුයේ භාග්‍යවතුන් වහන්සේටය. ඒ සදහම් කසයෙන් පහර කා දමනයට පත් වූ ඔවුන් ගවයා පූජනීය වස්තුවක් බවට පත් කර ගත්තේ ඉන් පසුවය. ගවයා පූජනීය කරවන කතාදරය හදා ගත්තේ ද ඉන් පසුවය. ගවමස් කෑමෙන් වැලකුනේද ඉන් පසුවය. මෑත කාලයේ බිහිවූ හින්දු ධර්මය තුල පවතින්නේ එදා භාග්‍යවතුන් වහන්සේ විසින් අහංකාර ඉන්දියානු බමුණන්ට ඉගැන්වූ පාඩමය.

අද හින්දු ආගම නැවතත් බුදු සමිදුන්ට පෙර කාලයේ පැවති වැරදි මාර්ගයටම යොමු වෙමින් පවතිනේය. බිලි පූජා නමින් සිදුවන අමානුෂික සත්ව ඝාතන හා හිංසාවන් හිස ඔසවමින් තිබේ. එය අද භාරතයේ  ජයටම සිදුවෙමින් පවතී.  ශ්‍රී ලංකාවේද හින්දු මුන්නේශ්වරම් කෝවිල තුල මෙය ඇරබී ඇත. අවාසනාවන්ත දෙය නම් හින්දු සමාජය තුලින් මෙයට කිසිදු ප්‍රතිවිරොදයක් එල්ල නොවීමය. එදා බුදුන් වහන්සේ මැදිහත් වූ අයුරින් නැවතත් මේ සදහා මැදිහත් වීමට සිදුවී ඇත්තේ බෞද්ද ජනතාවටමය.

පහත දැක්වෙනුයේ බුදු සමිදුන් විසින් වදාල ලද ත්‍රිපිටකයේ සූත්‍ර පිටකයේ සුත්ත නිපාතයට අයත්  බ්‍රාහ්මණ ධම්මික සූත්‍රයේ හි සිංහල අනුවාදයයි. මෙය උපුටා ගනු ලැබුවේ ඇති පූජ්‍ය කිරිබත්ගොඩ ඤානානන්ද හිමියන් විසින් සම්පාදිත "අපේ බුදු සමිදු තවම වැඩ වෙසෙති" නම් ග්‍රන්තයෙනි.

හින්දු භක්තිකයන්ටද තම ආගම තුලට නැවතත් රිංග ගැනීමට වලිකන හිංසාව ඉතිහාසය පුරාවට මතු වූ ආකාරයත් එහි ප්‍රතිඵල සමාජයක් ලෙස විදීමට සිදුවූ ආකාරයත් දැන ගැනීමට බුදුන් වහන්සේ දේශනා කරනා ලද බ්‍රාහ්මණ ධම්මික සූත්‍රය උපකාරී වනු ඇතයි  සිතමි.

බුදුන් වහන්සේට පෙර සමයේ පැවති උන් වහන්සේ ප්‍රතික්ෂේප කරනා ලද බමුණු මත නැවතත් බෞද්ද සමාජය තුලද පැතිර යමින් පවතී. මෙහිලා බෞද්ධ වේශයෙන් පෙනී සිටිනක නැකත් - කේන්දර වැනි මිත්‍යාවන් අලෙවිය තම ජීවිකාව කරගත් බමුණන් ගැන අවබෝදයක් ඇති කර ගැනීමටද බුදුන් වහන්සේගේ මෙම දේශනාවා උපකාර කරගත හැකිය.
 
බ්‍රාහ්මණ ධම්මික සූත්‍රය (සිංහල අනුවාදය)
ඒ කාලේ සිටි ඉසිවරු - සංවරවුන තාපසවුරු
පස්කම් ගුණ බැහැරට කොට - යහපතේම හැසිරුනෝය

ඒ කාලේ බමුණන් හට - කිසිම සතෙක් සිටියේ නැත
රන් රිදීද නැත ඔවුන්ට - අටුත් කොටුත් නැත ඔවුන්ට
වේදය ගැන ඉගෙනීම ම - ධනයක් විලසින් රැකගෙන
මහබඹා  ගේ නිධානෙ වූ - සිවු බඹ විවරණ රැකගතු

ඔවුන්ට පූජා කරන්ට - කෑම බීම යමක් හදා
නිවෙස් ඉදිරි පිට ඒවා  - හොද ලෙස තැන්පත් කරගෙන
මිනිසුන් සිටියෝ සැදැහෙන් - ඔවුන් හටම දිය යුතු යයි

නා නා පැහැයෙන් යුතු වූ - සොදුරු වස්ත්‍ර පුද කරමින්
ඇද පුටු අතිරිලිත් සමග - ආවාසද පුද කරමින්
ගමේ නගරේ රටේ සිටින - මහා ධනය ඇති මිනිසුන්
සියලු දෙනම වැද වැටුනො - ඒ හැම බමුණන් අබියස

දඩුවම් කිසිවක් කිසි දින - නොලැබේ ඒ බමුණන් හට
කිසිවකුටත් පරදන්නට - නොහැකි වෙත්ය ඒ බමුණන්
හැම විලසම ඒ බමුණෝ - දැහැමි රැකවරණ ලැබුවෝ
කොයි නිවසක දොරකඩිනුත් නොවැලකුවෝ ඒ බමුණන්

හතලිස් අට වර්ෂයක්ම - කුමර බභ සරින් ගෙවුවෝ
ඒ කාලේ සිටි බමුණෝ - නුවණම සොයමින් සිටියෝ
........

ඇද පුටු සළු පිළිද සමග - සහල් වර්ග හා ගිතෙල්ද
දැහැමින් එක් රැස් කරමින් - ඒවා දානයට දෙමින්
දැහැමින් යාගය කෙරුවෝ
යාගය උදෙසා කිසිවිට - මේ ගවයන් නොවැනසුවෝ

මවු පිය දෙදෙනා වැන්නේ - අපගේ සොයුරෙකු වැන්නේ
යහපත් නෑයෙකු වැන්නේ - අපට බෙහෙත් ඔසු දෙන්නේ
අනේ අපේ මේ ගවයෝ - උත්තම මිතුරන් වැන්නේ

අනේ අපට මේ  ගවයෝ - සලසා දේත් ආහාර ද
ඇති කරවති සවි බලය ද - දෙති සැපයත් හැඩරුව හා
මේ බව හොද ලෙස දැනගත් - ඒ කාලේ සිටි බමුණෝ
මැරුවේ නැත කිසිම දිනක - අපගේ යහපත් ගවයන්

සියුමැලි උස මහතින් යුතු - හැඩරුව ඇති යසසින් යුතු
ඒ කාලේ සිටි බමුණෝ - දැහැමින් කටයුතු කරමින්
ලොවේ සියලු දෙනා හට ම - හැම යහපත සෙත සෑදූවෝ 

රජවරුන්ගේ ඇති සැරසිලි - අභරණ පැළදු අගනන්
දකිනා විට ඔවුන්ගේ සිත - විකල් උනා ටිකෙන් ටික ම

සුන්දර සැරසිල්ලෙන් යුතු - විසිතුරු කැටයමින්ද යුතු
පියකරු වූ අස් රිය දැක - යහපත් අශ්වයන් යෙදු,
මැනවින් බෙදමින් කාමර - තැන වූ සුන්දර මාලිග
(දකිනා විට ඔවුන්ගේ සිත - විකල් උනා ටිකෙන් ටික ම)

රැස් කරගෙන ගව පට්ටිද - ලගින් තබාගෙන අගනන්
මිනිස් ලොවේ සැප විදින්ට - බමුණෝ ගිජුවෙලා ගියෝ

අලුතින් මන්තර ගොතමින් - ගියෝ "ඔක්කාක රජු" වෙත
පින්වත් මහා රජුනි ඔබත් - කැමතිද ආයෙත් ලබන්ට
දැන් ඔය විදිමින් සිටිනා - මහා රාජ සැප සම්පත්?
එහෙනම් ඔබගේ වස්තුව -  දානෙට පූජා කල මැන
බොහෝ සේ දන් පැන් පුදමින් - වියදම් කල මැනව ධනය

කියා දුන්න විට බමුණන් - මහරථ ඇති රජ තුමාට
අසුන් මරා කරන යාග - සළු පිලි පුදනා යාගත්
නිදහස් ලෙස කරන යාග - නා නා අයුරින් කරමින්
රජවරු පිදුවෝ ධනයම - යාග කරන බමුණන් හට

මැනවින් සැරසූ ගවයන් - ඇද පුටු ඇතිරිලි සළු පිලි
අබරණ පැලදූ අගනන් ,
විසිතුරු ගෙත්තම් සුසැදි - අසුන් යෙදූ සුන්දර රථ

හොදින් බෙදූ කාමර ඇති - මනරම් සුන්දර මන්දිර
පුරවා නිති අටුත් කොටුත් - වස්තුව දුනි බමුණන් හට

ඒ වස්තුව ලද බමුණන් - රැස් කර කර සතුටු වෙමින්
ලද දේ ගැන ගැන ගිජු වීමෙන් - වැඩී ගියෝ තණ්හාවෙන්
ගොතා තව අලුත් මන්තර - යලිත් ගියෝ රජුන් වෙතට

මේ ජලයද මහා පොළවද - ධන ධාන්‍ය රන් රුවන් ද
වටින්නෙ යම් විලසකින්ද - ලොවේ සිටින මිනිසුන් හට
එලෙසින් වටිනා ගවයා - පිරිකරක් ය සතුන් අතර
(එහෙයින් මහා රජුනි ඔබත්)
වියදම් කරමින් වස්තුව - බොහෝ යාග කෙරුව මැනව
වියදම් කරවා ධනයම - බොහෝ යාගකෙරුව මැනව

කියා දුන්න විට බමුණන් - මහා රථ ඇති රජතුමාට
යාගෙට පූජා කරන්න - නොයෙකුත් සිය දහස් ගණන්
ගවයන් මරල දැමුවෝ

කල පුරවා කිරි ලැබ දුන් - කීකරු වූ එළුවන් මෙන්
"අනේ! කිරි දෙනුන් අපගේ - නොකරති කිසි හිංසාවක්
අගකින් හෝ පයකින් හෝ"
එහෙත් රජතුමා ගවයන් - අගින් ම ඇදගෙන අවුදින්
ආයුධයෙන් පහර දෙමින් - පත් කරවී මරණයට ම

දෙවියෝ හා මහබඹා ද  - ඉන්ද්‍ර අසුර හා රකුසු ද
"අනේ මෙවැනි ගවයන් මත - හෙළ දැමීමෙන් ආයුධ 
ඉපදුන අධර්මය!" යයි - කිය කියා හඩා  වැටුනෝ

ඒ කාලේ මෙහි තිබුනේ - තුනක් පමණි රෝගයන් ද
ආශාවත් බඩගින්නත් - ජරා දුකට පත් වීමත්
මේ ගව ඝාතනය නිසා - රෝග අනු අටක් වුනා

ඒ කාලේ නම් මේ දෙය - නැණවත් උදවිය පෙර සිටි
දැනගෙන මේ ගව ඝාතන - ගරහා අවමන් කෙරුවෝ
යම් තැනකදී දැක්ක විට දී - මෙවැනි දෙයක් කරනා අය
ජනයා අවමන් කරත් ය - යාග කරන ඒ අය හට

ලොවේ තිබෙන යහ ගුණ දම් - කණපිට පෙරලී ගිය විට
බෙදී ගියෝ හැම අතට ම - කම්කරු හා වෙළෙන්දෝ ද
බෙදී ගියෝ හැම අතටම - රජවරු හා සිටුවරුන් ද
අවමන් කෙරුවාය බිරිද - තමන් ගේම සැමියා හට

සිටුවරු හා බමුණු පිරිස - කුලගොත් සුරකින අන් හැම
තම තරමද දැන නොසිතා - වසග වුහ කාමයන්ට

Bookmark and Share Related Posts with Thumbnails

0 comments:

 
 
 

අද දෙරණ

ලංකා සයිබර් නිවුස්

defence.lk